इन्द्रेणी संवाददाता
सल्यान, ८ चैत्रजिल्ला विकास समिति सल्यानका कर्मचारी माथि कार्यालय हाताभित्रै हातपात भएको छ । जिल्ला विकास समितिका सूचना अधिकृत तथा सरसफाई फोकल पर्सन पूर्ण बहादुर वली माथि स्थानीय विकास अधिकारीकै अघि हातपात भएको हो । हिजो बिहान कार्यालयमा पुगेका लोक बहादुर डाँगीले वलीमाथि हातपात गरेका हुन ।
हातपातबाट घाइते वलीको जिल्ला अस्पताल खलंगामा उपचार भईरहेको छ । सल्यान जिल्लालाई खुला दिशामुक्त क्षेत्र घोषणा गर्न सहयोग गर्ने उद्देश्यले यूनिसेफको एक कार्यक्रमका विषयलाई लिएर आफुमाथि हातपात भएको पिडित वलीको भनाई रहेको छ । स्थानीय विकास अधिकारीको आँखा अघि नै आफुमाथि आक्रमण भएको र आफ्नो एनजिओलाई कार्यक्रम नपरेको आवेगमा आफुमाथि आक्रमण भएको वलीको भनाई रहेको छ ।
आफ्नो कर्मचारीलाई कार्यालय समयभित्र हातपात भएको भएको र लोक बहादुर डाँगीमाथि आवश्यक कारवाहीको माग गर्दै जिल्ला प्रशासन कार्यालयमा जानकारी दिइएको स्थानीय विकास अधिकारी रामचन्द्र पौडेलले जानकारी दिनु भयो ।।
इन्द्रेणी संवाददाता दाङ, १५ चैत्र वनजंगलमा मादल वनाउने काठ पाईन छाडेपछि यो पेशा संकटमा पर्न थालेको छ । मादल बनाउने पेशा गर्दै दाङका आएका बाद...
No comments:
Post a Comment