इन्द्रेणी संवाददाता
घोराही, ७ चैत्र
दाङका विज्ञान विषयका शिक्षकहरुलाई बढ्दो जलवायु परिवर्तन र यसको प्रभावका विषयमा प्रशिक्षण दिइएको छ । विज्ञान शिक्षक समाज दाङको आयोजना तथा बहुसरोकारवाला वन कार्यक्रम र रुपान्तरण नेपालको आर्थिक सहयोग हिजो मावि तहका विज्ञान शिक्षकहरुलाई जलवायु परिबर्तनलाई अनुकुलन गर्ने बिषयमा प्रशिक्षण दिइएको हो ।
सो अवसरमा बोल्दै सरोकारवालाहरुले जलवायु परिवर्तनको प्रभाव देखिन थालेको भन्दै भावी पुस्ता अति जोखिममा रहेको बताएका छन् ।
विज्ञान शिक्षक समाज दाङकी अध्यक्ष वसन्ता पौडेलको अध्यक्षता तथा जिल्ला शिक्षा अधिकारी रमेश मैनालीको प्रमुख आतिथ्यता भएको उद्घाटन समारोहमा बोल्दै शिक्षा अधिकारी मैनालीले विज्ञानले समाजलाई परिवर्तन गर्ने भन्दै जलवायु परिवर्तनको असर न्यूनीकरण र अनुकूलनका लागि शिक्षकहरुले भूमिका निर्वाह गर्नुपर्नेमा जोड दिनुभयो । शिक्षकहरुलाई रुपान्तपान्तरण नेपालका केपि यादबले प्रशिक्षण दिनुभएको छ ।।
No comments:
Post a Comment