जग्गा रोक्का हुँदा किसानहरु मर्कामा

Facebook Twitter Google+

इन्द्रेणी संवाददाता
दाङ, ७ चैत्र
देउखुरीको लमही–कोईलावास सडक वनाउने बाहानामा दश वर्ष देखि जग्गा रोक्का हुँदा किसानहरु मर्कामा परेका छन । लमही–कोईलावास सडकले दुवै तर्फ छोएको जग्गा रोक्का भएको दश वर्ष भैसक्दापनि अहिले सम्म फुकुवा भएको छैन ।

हुलाकी सडक आयोजना, योजना कार्यालय नेपालगञ्जले सडक क्षेत्रमा पर्ने जग्गाको लगत कट्टा गरी ब्यक्तिको नाममा देखिने सबै जग्गा फुकुवा गर्ने काम मालपोत र नापी कार्यालयको भएको बताउँछ । तर मालपोत र नापी कार्यालयले रोक्का जग्गा फुकुवा सहित कित्ता काटका लागि कुनै प्रकृया अहीले सम्म वढाएका छैनन । जस्ले गर्दा स्थानीय जग्गा धनि मर्कामा परेका छन् ।

कालोपत्रे हुने आशामा वसेका सर्वसाधारण नागरिक सडक संग जोडिएको जग्गा मालपोत कार्यालयले रोक्कामा राख्दा कुनैपनि काम गर्न नपाएको गढवाका जगदिश कौशलले वताउनुभयो । जग्गा रोक्का हुँदा अंश वण्डा सवै रोकीएको उहाँको भनाई छ । सडक संग जोडिएका लमही नगरपालिका, गंगापरस्पुर, गढवा र कोईलावास गाविसका एक हजार उपभोक्ताको जग्गा रोक्का छ ।

स्थानीय प्रसासन र सरोकारवाला निकायले लमही–कोईलावास सडक कालोपत्रे र यस संग जोडीएका समस्यालाई ध्यान नदिदा सुनुवाई हुन नसकेको सडक निर्माण समन्वय समितिका संयोजक भेषराज पाण्डेले वताउनुभयो ।।