आज देखि दाङ्ग काठमाण्डौको लागि डिलक्स बस सञ्चालन

Facebook Twitter Google+

फाइल तस्विर  

दाङ्ग १२ कार्तिक राप्ती अञ्चल सार्वजनिक यातायात ब्यबसायी समितीले हिजो देखि दाङ्ग काठमाडौको लागि डिलक्स बस सञ्चालन गरेको छ । दिवा सेवा अन्तरगत डिलक्स बस सञ्चालन गरिएको समितिका कार्यालय प्रमुख डा. लोकराज पराजुलीले जानकारी दिनुभयो । ३७ सिट भएको आरामदायी बस आजबाट सञ्चालन भएको भन्दै उहाँले मंसीरको पहिलो साता देखि एसि सुविधा भएको बससमेत सञ्चालन हुने उहाले बताउनु भयो । अहिले सञ्चालन हुदै आएका ४४ सिट भएका गाडी भन्दा डिलक्स गाडीमा ३७ सिट रहेको डा. पराजुलीले बताउनुभयो । सुविधा सम्पन्न सिटको साथै चिसो र तातोको सन्तुलित ब्यबस्था भएको गाडी भएकाले आरामपुर्वक यात्रा गर्न सहज हुने उहाले जानकारी दिनुभयो । डिलक्स गाडीको भाडाँ तुलसीपुर र घोराहीबाट ९ सय ८० कायम गरीएको छ भने अन्य गाडीको भाँडा भने ८ सय ३० रुपैया रहेको छ ।।