इन्द्रेणी संवाददाता
दाङ चैत्र ५
यसवर्षको जातीय रंगभेद उन्मुलन दिवस प्युठानको स्वर्गद्धारीमा मनाइने भएको छ । संयुक्त राजनीतिक संघर्ष समिति दाङले यहि चैत्र ८ गते स्वर्गद्वारी पुगेर २१ मार्च अर्थात ५१ आंै अन्तर्राष्ट्रिय जातीय रंगभेद दिवस मनाउने भएको हो । संयुक्त राजनीतिक दलित संघर्ष समिति दाङका संयोजक जिनेन्द्रमान नेपालीको अध्यक्ष तथा दलित समन्वय समितिका उपाध्यक्ष मानबहादुर गोल्ड स्मितको प्रमुख आतिथ्यतामा यसविषयमा छलफल समेत गरिएको छ ।
स्वर्गद्वारी मन्दिरमा जातीय विभेदका घटना हुने गरेको र त्यसको अन्त्यका लागि मन्दिरमा नै पुगेर दिवस मनाउन लागिएको कार्यक्रम संयोजक जितेन्द्रमान नेपालीले बताउनुभयो । केहि महिना पहिले स्वर्गद्धारी मन्दिरमा पुजापाठका लागी पुगेका दाङ त्रिपुरका बसन्ता नेपाली र भिमबहादुर नेपाली माथि जातिय विभेद भएको घटना वाहिर आएको थियो । दलित भएकै कारण मन्दिरका पुजारीले विभेद गरेका थिए । साथै, आगामी दिनमा त्यस्ता घटना नहुन भन्ने उद्देश्यले कार्यक्रमको आयोजना गर्न थालिएको संयोजक नेपालीले वताउनुभयो ।।
No comments:
Post a Comment