चैत्र ,४ रसुवा। रसुवाको लाङ्टाङको क्याङ्जेनमा फिस्टेल एयरको हेलिकप्टर दुर्घटना भएको छ । धुन्चेबाट क्याङ्जेनका लागि राहत सामग्री पुर्याएर उड्ने क्रममा हेलिकप्टर दुर्घटनामा परेको हो ।
रसुवा प्रहरीका अनुसार हेलिकप्टर अवतरण गर्ने क्रममा दुर्घटना भएको हो । रसुवाका डिएसपी अवधेस विष्टले भने ‘हेलिकप्टरको रोटर ठूलो आवाज गरेर उछिटियो । त्यसपछि हेलिकप्टर त्यही पल्टियो ।’
विष्टका अनुसार दुर्घटनामा कुनै मानविय क्षति भने हुन पाएन । हेलिकप्टरका पाइलट निकोलस सकुशल रहेको उनले जानकारी दिए ।
