नेपालका लागि चीनले दिने अनुदानको पेट्रोलियम पदार्थ भोलिसम्म रसुवागढी आइपुग्ने भएको छ । दैनिक २५ वटा नेपाली ट्याङ्करले रसुवागढीबाट अनुदानको इन्धन बोकी काठमाडौँस्थित केन्द्रीय भण्डारणमा पु¥याउने वाणिज्य विभागले जानकारी दिएको रसुवाका प्रमुख जिल्ला अधिकारी शिवराम गेलालले बताउनुभयो । रसुवागढीसम्म नै चिनियाँ पक्षले इन्धन ल्याई पेट्रोलियम पदार्थ नेपाली ट्याङ्करमा भरिने तयारी गरिएको छ । त्यसपछि राजधानीमा वितरण गरिने नेपाल आयल निगमको तयारी छ । भूकम्पपछि चिनियाँ भू–भागमा बिग्रिएका सडक मर्मतसम्भार र पुनःनिर्माण गरी केही दिनदेखि सञ्चालनमा ल्याइएको छ ।
इन्द्रेणी संवाददाता दाङ, १५ चैत्र वनजंगलमा मादल वनाउने काठ पाईन छाडेपछि यो पेशा संकटमा पर्न थालेको छ । मादल बनाउने पेशा गर्दै दाङका आएका बाद...
